教騎師耍詠春打洪拳 - 周定宇

教騎師耍詠春打洪拳 ~ 武術冠軍周定宇

武術與馬術本是風馬牛不相及，但前世界武術冠軍周定宇就破格地將兩者混在一起，現於馬會見習騎師學校擔任社監兼體能教練的他，要學員學詠春及洪拳，靠穩紮馬步在馬匹上控制自如。

甘達志兼埋心理專家

06年在陳念慈邀請下加入馬會的周定宇表示：「坦白講我以前對馬會係零概念，喺度真係有好大挑戰，因為要將一班騎馬初哥，訓練成為專業騎師，甚至成為國際級大師。」由於周定宇主要對象是初入學堂的學員，因此喺體能上更要打好基礎，他特別加入武術元素在訓練當中：「每個學員都要學詠春，因為『二字拑羊馬』同佢哋喺馬上嘅動作好相似，另外我仲加入洪拳，對呼吸好有幫助。」

自認是「地獄教練」的周定宇坦言對學員非常嚴格：「我成日同佢哋講堅持就係勝利，佢哋要控制成千磅馬匹，少啲氣力都唔得。」

至於負責年資較長學員的另一位體能教練、前划艇港將甘達志則表示，除操Fit學員外，自己還會充當心理專家角色：「年輕人一定反叛，到某個年齡有時太嚴會有反效果，所以我同佢哋溉關係可以話亦師亦友。」甘達志稱除跑馬日外，學員基本上每天都要進行兩小時體能練習，確保比賽時有最佳發揮。

教騎師耍詠春打洪拳 - 周定宇

周定宇（右）糅合武術與馬術，創造出鍛煉體能的新方法。

h4v6sY